Like this:

Hinalang, 28 Nopember 1998

Mandapothon  natorashu

di Parhitean

*Sai Tuhan ta ma na mangaramoti hita manang tudia pe hita mangalangka*

Amen

Bapa, Oma, adek nang iboto niba di huta, boado kabarmuna saonari? Sai anggiat ma nian kabar na denggan jalan hipas-hipas. Ia ahu anakmuna na mangirim surat on sehat-sehat do jala hipas-hipas.

Bapa, Oma,  ahu mangirim surat on na naeng manjalo balanjo do laho tu bulan 12 (Desember). Alana hepeng na hujalo na dibulan 11 (Nopember) i otik nae nama. Bapa, Oma hepeng na porlu di ahu godangna Rp.151500,- Ima na laho bahenonhu tu keperluan :

1. Manuhor boras sakaleng -> Rp.50000,-
2. Manuhor gulamo (ikan asin) ½ kg -> Rp.10000,-
3. Manuhor tomat, cabe, bawang -> Rp.10000,-
4. Manuhor  sayur botol -> Rp.5000,-
5. Mambayar uang kost bulan 12 -> Rp.20000,-
6. Manuhor gula pasir ½ kg -> Rp.3000,-
7. Manuhor  sira 1 bungkus -> Rp.1000,-
8. Manuhor miak makkan 1/2 kg -> Rp.5000,-
9. Manuhor miak lampu 1 liter -> Rp.5000,-
10. Manuhor tangki minyak ni kompor masak alana nga bocor tangki minyak ni kompor i -> Rp.9000,-
11. Ongkos mulak tu huta bulan 12 -> Rp.10000,-
12. Mambayar uang SPP bulan 12 -> Rp.12.000,-
13. Manuhor pulpen pilot 1 biji -> Rp.1500,-
14. Manuhor jangka tu keperluan pelajaran Matematika -> Rp.10000,-

Jadi godang na Rp.151.500,-

Bapa, Oma hepeng na hujalo na bulan 11, hubaen doi tu na denggan.

Bapa, Oma masihol do ahu tu huta, naeng urupanhu do hamu tu balian, marmahan horbo dohot angka karejo na asing. Hu ingot do loja muna na karejo i, jadi ahu burju-burju do marsiajar asa unang marisuang loja munai. Bapa, Oma ahu nunga dipillit jadi perwakilan sian sikkola laho mengikuti Olimpiade Fisika tingkat Kabupaten Toba Samosir ima bulan April taon na ro. Tangianghon hamu ma ahu asa juara, asa boi muse dohot tu tingkat Propinsi Sumatera Utara dungi tingkat Nasional. Bulan 12 on mulak do ahu tu huta dung sae manjalo raport. Hami libur 2 minggu disi, libur semester sekalian natal dohot taon baru.

Songoni ma hata sian ahu anakmuna. Botima.

Ttd

Liston Siagian

NB. Lehon hamu ma hepengi tu na mamboan surat on (Poltak Manurung).

Ini merupakan surat dari anak kost sewaktu SMA yang dikirim ke orangtuanya untuk meminta biaya sekolah+biaya hidup selama 1 bulan. Surat ini ditulis sekitar 12 tahun lalu.  Handphone belum ada, jadi harus pakai surat. Klo jaman sekarang mungkin tinggal SMS ortu : “Ma, duitku dah tipis ni, kirimin ya ma, 1 juta za…” Si anak bahkan tidak menanya kabar ortunya.

Ditulis kembali sesuai dengan ingatan, dengan pengubahan seperlunya oleh pemilik blog.